Stundum held ég barasta..

.. að Mogganum þykir gaman að ýta undir öskrin í fólki.

Þetta er mikið hitamál, enda alvarlegt. Allir rífast um hvort þetta var leyfilegt eða ekki.

 

Enginn virðist hinsvegar taka að sér að spurja hvort svona ÆTTI að vera leyfilegt eða ekki? Ef þetta er leyfilegt, myndi allskonar annar hroðverknaður geta komist í gegn, allt vegna þess að flest lögin hjá okkur voru skrifuð fyrir tíma nútímaaðstæðna.

Myndu allir ekki VILJA að eiga séns á að segja nei, hver svo sem ástæðan er? Við, í frjálsu samfélagi, eigum að geta það. Annars fer ég að hallast að því að við séum barasta kommúnistar sem hugsa bara um hópinn, en aldrei um einstaklinginn.

Konan beitt ofbeldi

Athugasemdir

[Axel Jón Fjeldsted (IP-tala skráð) 23.8.2007 kl. 12:12]

HVað meinarðu Ásta. Viltu að hætt verði að fjalla um óþægileg álitamál í samfélaginu? Þetta á ekki að vera leyfilegt SKILURÐU nema með samþykki viðkomandi. Veit ekki þetta með kommúnistana...þarf að hugsa það aðeins betur.

[Fransman (IP-tala skráð) 23.8.2007 kl. 12:27]

Bara svo það fari ekki á milli mála að þetta er *löglegt*

Hérna er 2. mgr. 47. grein umferðarlaganna:

Lögreglan getur fært ökumann til rannsóknar á öndunar-, svita- og munnvatnssýni eða til blóð- og þvagrannsóknar ef ástæða er til að ætla að hann hafi brotið gegn ákvæðum 2. eða 4. mgr. 44. gr., 45. gr. eða 45. gr. a eða hann neitar lögreglunni um að gangast undir öndunarpróf eða láta í té svita- eða munnvatnssýni eða er ófær um það.

... Ökumanni er skylt að hlíta þeirri meðferð sem talin er nauðsynleg við rannsókn skv. 2. mgr.

[Hreiðar Eiríksson, 23.8.2007 kl. 14:50]

Og svo kemur hér einnig tilvitnun í lög um meðferð opinberra mála sem einnig gilda um öflun svona sönnunargagna:

92. gr. 1. Leita má á sakborningi ef nauðsynlegt þykir til að taka af honum gögn eða muni sem hald skal leggja á. Leiki grunur á að maður feli innvortis muni eða efni sem hald skal leggja á er heimilt að framkvæma leit, að fengnu áliti læknis. Þá má taka blóð- og þvagsýni úr sakborningi og framkvæma á honum aðra þá líkamsrannsókn í þágu rannsóknar sem gerð verður á honum að meinalausu. Enn fremur má taka af honum fingraför og myndir í þágu rannsóknar.

93. gr. 1. Leit og líkamsrannsókn skv. 92. gr. skal ákveðin í úrskurði dómara, nema sá sem í hlut á samþykki hana.
2. Rannsóknara er þó rétt að leita án dómsúrskurðar ef brýn hætta er á að bið eftir úrskurði valdi sakarspjöllum.

93. gr... 3. Við leit skal gæta þeirrar varfærni og hlífðar sem samræmist markmiði hennar. .... Leit innan klæða skal gerð af manni sem er sama kyns og sá sem leitað er á.

Umferðarlögin eru óljós hvað varðar heimildir til að taka svona sýni með valdi.  Lög um meðferð opinberra mála eru alveg skýr og eru auk þess sérstök lög sem fjalla um allar rannsóknir saknæmra verknaða.

[Ásta Gunnlaugsdóttir, 23.8.2007 kl. 15:31]

Skemmtilegt að vita að einhver taki eftir manni, endrum og eins (og náttúrulega að fá meiri skírskotun inn í þetta).

 Axel: Nei, fólk má ræða eins mikið um það og það vill, það sem ég var að benda á að aðeins hafa komið fram tvær fylkingar í þessum málum (þ.e. rétt og rangt) en ekki svo mikið hvort svona ætti að geta gerst yfir höfuð, lagalega séð. Stundum finnst mér að fólk eigi erfitt með að stoppa og hugsa -eftir- að þeir hafa látið eitthvað út úr sér.

 Fransman: Þakka þér fyrir, en ég hef séð þetta áður. Ég er ekki að spyrja hvort þetta sé löglegt eða ekki (enda hef ég lesið þessar málsgreinar áður, held meiri segja að það hafi verið í commenti eftir þig sjálfan). Það sem ég spyr er að enginn umræða virðist myndast yfir því hvort þetta ætti að vera löglegt eða ekki. Þarna var brotið á blygðunarsemi einstaklings, löglega. Það er jafnvel verra, ef eitthvað er.

Hreiðar: Þökk fyrir þetta, hef ekki lesið þennan part sjálf. Þetta virðist vera allt saman hálöglegt, en ekkert er nefnt um hvernig þessi sýnataka á að fara fram, en það hlýtur að hafa verið meiningin þegar þessi lög voru skrifuð að þetta skyldi fara fram í góðu (eins og stendur þarna aðeins ofar). Eru til reglur sem snúa að þessu? Þegar sagt er að " framkvæma [megi] á honum aðra þá líkamsrannsókn í þágu rannsóknar sem gerð verður á honum að meinalausu." þá verð ég að segja að þetta er ekki nógu góð reglugerð. "Meinalaust" er of lauslega orðað. Er þá meint að meinin eiga ekki að vera sýnilegt almenningi? Þurfa þau að vera varanleg? Eru þá sársaukafullar aðferðir sem skilja ekki eftir sig varanleg mein (svo sem að snúa upp á handleggi og slíkt) leyfilegt?

Endilega svaraðu, ég er afar forvitin um þetta.

[Fransman (IP-tala skráð) 24.8.2007 kl. 05:23]

Heiðar: Þessi 93. grein sem þú vitnar í á eingöngu við 92, greinina sem þú vitnar í.