Þvagleggir og lögreglan..

MIkið rosalega er lögkerfið okkar illa hannað. Mikið hefur verið talað um aðferðir lögreglu að ná þvagsýni af konu. Taldar hafa verið til lagagreinar um að lögreglan áskilur sér rétt á þessu, aðrir benda á að samkvæmt lögum á að gera slíkt meinalaust. Sífellt er tönnlast á þessum rétti sem lögreglan hefur eða hefur ekki.

 

En hvað með rétt sakbornings? Af því sem ég hef lesið þá hefur maður ekki rétt til að neita að gefa prufu, sama hvernig að því stendur.

Í aðeins þróaðri kerfum (Bandaríkin koma mér efst í huga) getur maður neitað að gefa eitt né neitt, en hægt er að sækja um stefnu sem lagalega skikkar viðkomandi að gefa fram prufu ella sæta refsingu ef lögreglan getur sýnt fram á að þessi sýnataka sé nauðsynlegt. Þetta þykir mér mun skýrara kerfi, þar sem sakborningur á rétt á neitun, en lögreglan getur samt sem áður náð sýni.

 

Tími getur þó skipt meginmáli í þessu máli (þ.e. það rennur af konunni) en þá þurfa lögreglur bara vera með sérklósett þar sem úrgangur getur verið einangraður og prófaður, þar sem rusl og úrgangur eru 'almenningseign'.

 Ef svona kerfi er of fínt fyrir Selfyssinga þá hefðu þeir bara átt að taka sig á, setið á sínum strák og beðið eftir því að konan var í of miklum spreng til að gefa ekki undan.